1Ch 9 | NdeIBE | STEP | Bonke abako-Israyeli babelotshiwe eluhlwini logwalo lokuzalana kwabo lwamakhosi ako-Israyeli. AbakoJuda bathunjwa basiwa eBhabhiloni ngenxa yokungathembeki kwabo.

1 Chronicles 9

1 Bonke abako-Israyeli babelotshiwe eluhlwini logwalo lokuzalana kwabo lwamakhosi ako-Israyeli.

Abantu eJerusalema

AbakoJuda bathunjwa basiwa eBhabhiloni ngenxa yokungathembeki kwabo. 2 Abokuqala ukwakha kutsha elizweni labo bahlala emizini yabo babengabantu bako-Israyeli, abaphristi, abaLevi lezinceku zethempelini.

3 AbakoJuda, abakoBhenjamini kanye labako-Efrayimi loManase ababehlala eJerusalema yilaba:

4 Ngu-Uthayi indodana ka-Amihudi, indodana ka-Omiri, indodana ka-Imiri, indodana ka-Bhani, owosendo lukaPherezi indodana kaJuda.

5 KwabakoShiloni ngu-Asaya izibulo lamadodana akhe.

6 KwabakoZera: nguJeyuweli. Abantu bakoJuda babengamakhulu ayisithupha alamatshumi afica munye.

7 KwabakoBhenjamini: nguSalu indodana kaMeshulami, indodana kaHodaviya, indodana kaHasenuwa; 8 lo-Ibheneya indodana kaJerohamu; lo-Ela indodana ka-Uzi, indodana kaMikhiri; loMeshulani indodana kaShefathiya, indodana kaReweli, indodana ka-Ibhinija.

9 Abantu bakoBhenjamini, ngoluhlu lokuzalana kwabo njengokulotshiweyo, babengamakhulu aficamunye lamatshumi amahlanu lesithupha. Bonke laba kwakungamadoda ayizinhloko zezindlu zawo.

10 Abaphristi yilaba: nguJedayiya; loJehoyaribi; kanye loJakhini;

11 lo-Azariya indodana kaHilikhiya, indodana kaMeshulami, indodana kaZadoki, indodana kaMerayothi, indodana ka-Ahithubi, isikhulu esasiphethe indlu kaNkulunkulu;

12 lo-Adaya indodana kaJerohamu, indodana kaPashuri, indodana kaMalikhija; loMahasayi indodana ka-Adiyeli, indodana kaJahizera, indodana kaMeshulamu, indodana kaMeshilemithi, indodana ka-Imeri.

13 Abaphristi ababeyizinhloko zezindlu zabo babeyinkulungwane eyodwa elamakhulu ayisikhombisa lamatshumi ayisithupha. Babengamadoda alolwazi, belomlandu wokuphatha umsebenzi endlini kaNkulunkulu.

14 AbaLevi yilaba: nguShemayiya indodana kaHashubi, indodana ka-Azirikhamu, indodana kaHashabhiya, ongumMerari; 15 loBhakhibhakhari, loHereshi, loGolali kanye loMathaniya indodana kaMikha, indodana kaZikhiri, indodana ka-Asafi; 16 lo-Obhadiya indodana kaShemayiya, indodana kaGalali, indodana kaJeduthuni, kanye loBherekhiya indodana ka-Asa, indodana ka-Elikhana, owayehlala emizini yamaNethofathi.

17 Abalindi bamasango yilaba: nguShulumi, lo-Akhubi, loThalimoni, lo-Ahimani labafowabo loShalumu induna yabo, 18 eyayilinda iSango likaJehova empumalanga, kuze kube lamuhla. Abalindi bamasango bakoLevi yilaba:

19 nguShaluma indodana kaKore, indodana ka-Ebhiyasafi, indodana ka-Khora, lababelinda amasango ndawonye bengabendlunye (amaKhora) beyibo ababefanele bananzelele iminyango yeThempeli njengoba oyise babevele belinda iminyango yendlu kaJehova.

20 Ekadeni owayephethe abalindi bamasango kwakunguFinehasi indodana ka-Eliyazari njalo inkosi yayimbusisile.

21 UZekhariya indodana kaMeshelemiya wayengumlindisango lokungena eThenteni lokuHlanganela.

22 Sebebonke labo ababekhethiwe ukuba ngabalindimasango ezindaweni eziqakathekileyo babengamakhulu amabili aletshumi lambili. Babelotshwe ngoluhlu lokuzalana kwabo emizini yabo. Abalindi bamasango babefakwe kulezizindawo zokwethembeka nguDavida loSamuyeli umboni. 23 Bona kanye lenzalo yabo babephethe ukugcinakala kwamasango endlu kaJehova indlu ethiwa iThente.

24 Abalindimasango laba babesenhlangothini zozine: empumalanga, entshonalanga, enyakatho laseningizimu. 25 Abafowabo ababehlezi labo emizini yabo babefanele babebelinda labo bezophisana okwezinsuku eziyisikhombisa ihlandla ngalinye.

26 Abalindimasango abakhulu, abangabaLevi, ngobune babo babefanele bagcine izindlu lenotho esendlini kaNkulunkulu. 27 Babelala belindile ubusuku bonke besendlini kaNkulunkulu, ngoba babefanele bayilinde; njalo yibo ababelezihluthulelo beyivula ngokusa izinsuku zonke.

28 Abanye babo babegcina izitsha zenkonzo ezazisetshenziswa ethempelini; babezibala zingena babuye bazibale njalo seziphuma.

29 Abanye njalo babegcine impahla yendlini lakho konke okwakusendlini engcwele, kanye lokugcina ifulawa lewayini, lamafutha, imphepha leziyoliso. 30 Kodwa abanye abaphristi babesebenza ukuhlanganisa iziloyiso. 31 UmLevi obizwa ngokuthi nguMathithiya, indodana elizibulo likaShaluma umKhora, wayephiwe umlandu wokubumba isinkwa somnikelo. 32 Abanye abazalwane bamaKhohathi babephethe umsebenzi ngamaSabatha wonke owokubumba isinkwa esokubekwa etafuleni.

33 Labo ababengabahlabeleli, beyizinhloko zezindlu zabaLevi, babehlala ezindlini phakathi kwethempeli bengaphiwanga eminye imisebenzi ngoba babephathekile kowabo emini lebusuku.

34 Bonke laba babeyizinhloko zezindlu zenzalo kaLevi, izinduna njengokulotshiweyo eluhlwini losendo lwabo, njalo babehlala eJerusalema.

Okulotshiweyo NgoLuhlu Lwendlu kaSawuli

35 UJeyiyeli uyise kaGibheyoni wayehlala eGibheyoni. Umkakhe wayethiwa nguMahakha, 36 njalo indodana yakhe elizibulo kwakungu-Abhidoni eselanywa nguZuri, kuze uKhishi, loBhali, loNeri, loNadabi, 37 loGedori, lo-Ahiyo, loZekhariya kanye loMikhilothi.

38 UMikhilothi wayenguyise kaShimeyamu. Laba labo babehlala eJerusalema eduze lezihlobo zabo.

39 UNeri wayenguyise kaKhishi, uKhishi enguyise kaSawuli, uSawuli enguyise kaJonathani, loMalikhi-Shuwa, lo-Abhinadabi kanye lo-Eshi-Bhali.

40 Indodana kaJonathani kwakungu Meri-Bhali, yena enguyise kaMikha.

41 Amadodana kaMikha yila: nguPhithoni, loMeleki, loThehireya kanye lo-Ahazi.

42 U-Ahazi wayenguyise kaJada, uJada enguyise ka-Alemethi, lo-Azimavethi loZimri, yena uZimri enguyise kaMoza.

43 UMoza wayenguyise kaBhineya; uRefaya eyindodana yakhe, lo-Eleyasa indodana yakhe lo-Azeli indodana yakhe.

44 U-Azeli wayelamadodana ayisithupha, amabizo awo eyila: u-Azirikhamu, loBhokheru, lo-Ishimayeli. LoSheyariya, lo-Obhadiya kanye loHamani. Laba babe ngamadodana ka-Azeli.